logo

 

Dende 1973 estudiando, divulgando e defendendo o patrimonio natural galego

antela@sghn.org

line decor
INICIO  
line decor
 
 
 
 


 

Venres  1 de febreiro de 2013, CEIP Rosalía de Castro de Xinzo de Limia

Celebración do II Aniversario da Sección Antela. Primeira parte.
Presentación de "A historia de Antela contada por unha cegoña ¡¡¡UN CONTO DE VERDADE!!!"

Queres mercar un exemplar do conto? Envía un correo electrónico a antela@sghn.org

Xinzo de Limia, 04-02-2013

Os membros da Sección Antela foron fantásticamente acollidos no CEIP Rosalía de Castro de Xinzo de Limia o día 01/02/2013 para presentar unha vez máis "A historia de Antela contada por unha cegoña ¡¡¡UN CONTO DE VERDADE!!!", como parte dos actos da celebración do Día Internacional dos Humedais. No acto colaboraron un grupo de 5 rapaces (Silvia, David, Xurxo, Mencía e Lara) que deron vida ás cegoñas protagonistas do conto que, como manda a tradición, transmiten os seus coñecementos de xeración en xeración.

Estando na terra das cegoñas e ademáis no antroido, os nosos protagonistas sorprendéronnos coa súa caracterización grazas a colaboración dos seus compañeiros que se encargaron do vestiario, como podedes ver nas imáxes, sinxelo pero sen dúbida rechamante. Sobre todo, poñede atención nos fermosos ollos das cegoñas que as capacitan para observar e coñecer moi ben a súa terra, a diferencia de moitos humanos que “miran pero non ven” a natureza.

Máis...

Foto 1. As cegoñas teñen unha grande capacidade de observación a diferencia de moitos humanos que “miran pero non ven” a natureza.

 

Ferrol, venres  4 de maio de 2012, Salón de actos do Museo de Historia Natural da SGHN

Presentación de "A historia de Antela contada por unha cegoña ¡¡¡UN CONTO DE VERDADE!!!"

Para acceder á reseña do acto de presentación prema AQUÍ.

 

Xoves  22 de decembro de 2011, Centro cultural e Sala de Exposicións da Deputación. Edificio Simeón Ourense

Presentación de "A historia de Antela contada por unha cegoña ¡¡¡UN CONTO DE VERDADE!!!"

Para acceder á reseña do acto de presentación prema AQUÍ.

 

Casa da Cultura de Xinzo de Limia, 3 de xuño de 2011

Presentación de "A historia de Antela contada por unha cegoña ¡¡¡UN CONTO DE VERDADE!!!"

Premendo aquí podes descargar o PDF co acto de presentación de ¡¡¡Un conto de verdade!!! A historia de Antela contada por unha cegoña que tivo lugar o pasado venres 3 de xuño na Casa da Cultura de Xinzo de Limia, coa inestimable colaboración do Centro de Cultura Popular do Limia e de 5 alumnos do "I.E.S. Lagoa de Antela" que realizaron unha marabillosa escenificación do conto.

 

¡¡¡Un conto de verdade!!! A historia de Antela contada por unha cegoña

AUMENTAN OS ESTABLECEMENTOS BEóNFEITORES NOS QUE SE DISTRIBÚE

  • Beón: (nome, botánica). A pranta máis emblemática non só de Antela ou lago Bión/Beón, senón de todo o complexo húmido Limia-Antela.
  • Benfeitores: (sustantivo). Os que fan o ben.
  • BEóNFEITORES: (nome, neoloxismo). Díse dos que fan o ben aos ecosistemas acúaticos de Limia-Antela

Conto, marcapáxinas e lámina poden mercarse xa nos seguintes establecementos, nomeados BEóNFEITORES DE HONRA por SGHN-Sección Antela xa que colaboran desinteresadamente na distribución desde material; grazas a eles, descontando só os custes de impresión, o 100% do que se recaude coa venda do material adicarase á divulgación, conservación e recuperación do complexo húmido Limia-Antela.

  • FERROL
    • Local da SGHN-Delegación de Ferrol.
  • LODOSELO (SARREAUS)
    • C.D.R. "O VISO".
  • OURENSE
    • BRAÑA, S.C.L. San Pedro de Rocas-Tarreirigo (Esgos). www.branascl.com
    • Libraría TANCO: Rúa Cardenal Quevedo, 22.
    • Livraría TORGA: Rúa da Paz, 12. www.torga.net
    • Papelería OFITECA Ourense: Rúa Ramón del Valle Inclán 3 Baixo.
  • PONTEVEDRA
  • SANTIAGO DE COMPOSTELA
  • XINZO DE LIMIA
    • Librería GALAICA: Avenida de Ourense.
    • Librería SARAIBA: O Toural, 20
    • Librería VIDAL: Curros Enríquez, 1

Agardamos que a lista de establecementos beónfeitores vaia aumentando nas vindeiras semanas, pero se non hai ningún preto de onde vives podes solicitar o conto e o xogo de 3 marcapáxinas por correo electrónico a antela@sghn.org. Para evitar os desmesurados gastos dos contrarreembolsos, o importe (5 euros, gastos de envío incluidos) deberás ingresalo previamente na conta aberta exclusivamente coa finalidade de xestionar os cartos recaudados para a divulgación, conservación e recuperación do complexo húmido Limia-Antela: 2013-1843-53-0200079056.

Só por mercar o conto e os marcapáxinas serás nomeado beónfeitor e, se nos envías un correo electrónico co teu nome e apelidos, incluiremoste no listado oficial de beónfeitores: ¡xa somos máis dun cento en apenas unha semana!

¿Qué nos conta a cegoña?

O conto, adaptado aos humanos de 9 a 99 anos, comeza así: "Nun niño de cegoña sobre un centenario carballo no límite entre o arboredo de Rairiz de Veiga e as veigas de Ordes e Penelas, sobre as que teñen unhas fermosas vistas, tres polos de cegoña e a súa nai conversan animadamente. Son a continuación dunha longa estirpe de cegoñas que conservan a tradición de transmitir de pais a fillos canto coñecen da súa terra, que é moito. Esa sabedoría débese á grande capacidade de observación das cegoñas, non como moitos humanos que “miran pero non ven” a natureza. Mais esa sabedoría venlles do feito de ser unhas cegoñas moi especiais, como logo veremos..."

Ao longo de 24 páxinas a cegoña nai contalle aos seus polos "a historia dos vosos devanceiros e da súa terra, que xa tedes idade para coñecela". Repasa a desecación de Antela, a deforestación polas concentracións parcelarias, o encanamento dos ríos e as explotacións areeiras. Amosa todo o que se perdeu polas actuacións dos homes, pero tamén salienta o moito e moi valioso que aínda se conserva na Limia.

E remata cunha mensaxe de esperanza, unha frase de Delmar Blasco, Secretario Xeral da Convención de Ramsar sobre os Humidais entre 1994 e 2002: «Só falta que alguén con capacidade de liderazgo e aglutinación de vontades lance o proceso que devolva a Galicia e aos galegos, aínda que sexa en parte, os valores e funcións que se perderon cando se desecou a lagoa de Antela».

Presentación do conto en Xinzo de Limia o 03-06-2011

Premendo aquí podes descargar o PDF co acto de presentación de ¡¡¡Un conto de verdade!!! A historia de Antela contada por unha cegoña que tivo lugar o pasado venres 3 de xuño na Casa da Cultura de Xinzo de Limia, coa inestimable colaboración do Centro de Cultura Popular do Limia e de 5 alumnos do "I.E.S. Lagoa de Antela" que realizaron unha marabillosa escenificación do conto.

Imaxe: un dos marcapáxinas.