logo

 

Dende 1973 estudiando, divulgando e defendendo o patrimonio natural galego

pontevedra@sghn.org

line decor
INICIO  
line decor
 
 
 
 


 

 

Día Internacional dos Humidais nas Ribeiras do Louro

O Porriño, febreiro 2017

http://www.worldwetlandsday.org/es , SGHN www.sghn.org e a Asociación Trezecatorze www.facebook.com/asociacion.trezecatorce coa colaboración do Programa Voznatura www.voznatura.com organizan un roteiro interpretativo pola Ruta dos Humidais en Salceda. A actividade consiste nunha saída guiada adicada ó coñecemento dos humedais das Ribeiras do Louro e ós servicios ecosístemicos deste tipo de áreas naturais. Esta data pretende crear conciencia sobre a importancia dos humidais para a vida, destacar as oportunidades e limitacións no desenvolvemento e uso dos humidais e crear alianzas que xeneren cambios positivos nestes hábitats. O percorrido ten 8 km e discurrirá diversos hábitats nas ribeiras do Louro, sendo de dificuldade baixa e axeitado para tódalas idades.
Entre os valores naturais que alberga esta zona pegada a Zona de Especial Conservación “ZEC Gándaras de Budiño”, destacan os hábitats como as turbeiras, os bosques de ribeira e hábitats de interese comunitaria como as breixeiras húmidas, que albergan unha grande biodiversidade. Destacan a flora adaptada a estes hábitats, as poboacións de aves acuáticas e aves de bosque autóctono, anfibios, reptis, mamíferos e invertebrados.
O obxetivo desta actividade é a divulgación dos valores naturais e etnográficos deste espazo natural e aportar datos para o coñecemento da biodiversidade e o estado ambiental.
Prazas limitadas. Inscrición gratuíta obrigatoria no correo electrónico: gandaras@sghn.org
*Trátase dunha actividade gratuíta e aberta a tódalas persoas interesadas. Cada participante é responsable único das súas accións e accidentes que puideran producirse. Os convocantes da actividade non se responsabilizan a nivel persoal nin colectivo dos accidentes que poidan ocorrer.

ATENCION: temos alerta de mal tempo para esta finde semana. Por favor, enviade email ou whattsapp se vos apuntades a este roteiro e estade atentos por se temos que o cancelar.

 

Actividades 2014-16 de SGHN na ZEC "Gándaras de Budiño"

Pontevedra, 08-02-2017

A SGHN ven coordinando dende xa tres anos un programa de actividades para a recuperación e posta en valor da biodiversidade e ecosistemas do espazo natural ZEC Gándaras de Budiño. Neste periodo participaron un número cada vez maior de persoas e diferentes colectivos locales:

  • 2014: 7 actividades, 97 participantes.
  • 2015: 12 actividades, 174 participantes
  • 2016: 21 actividades, 363 participantes
  • Total: 40 actividades convocadas con éxito, a maioría de participación pública e gratuíta.

Actualmente, un grupo estable de voluntarios participan nos traballos medioambientais e as actividades mensuais teñen cada vez máis resposta participativa, con colectivos e persoas locais que valoran o espazo natural. A participación está aberta a tódolos interesados de calquera idade.
Hai que agradecer o apoio do Concello do Porriño, a Comunidade de Montes de San Salvador de Budiño e o Servizo de Conservación da Natureza, que participan nas actividades ambientais e especialmente no Proxecto de Restauración da parcela onde se ubicaba o malogrado "Centro de interpretación da Natureza de As Gándaras de Budiño".
Actualmente, o grupo de voluntarios desenvolve un proxecto dentro do Programa Voz Natura, adicado á restauración e posta en valor dos valores naturais do espazo natural.
No 2017 a intención é continuar co plan de traballo actual, de poñer en valor o espazo natural das Gándaras de Budiño e Ribeiras do Louro a través da participación en actividades de coñecemento do medio e de restauración ecolóxica da parcela na que temos acordo co Concello, con xornadas de voluntariado no terreo, reforestacións e adecuación de hábitats para fauna.
Máis información para participar: na web, facebook e gandaras@sghn.org

Testing de Biodiversidade en Gándaras de Budiño

Gándaras, 5-08-2015

O 9 de agosto de 2015, a SGHN e Biodiversidad Virtual organizan o III Testing fotográfico de biodiversidade no espazo natural das Gándaras de Budiño. A actividade consiste en fotografar o máximo número de especies de fauna e flora dunha zona para despois contribuír coas imaxes ó Proxecto ”Biodiversidad Virtual” e poder elaborar o Catálogo de Biodiversidade do LIC Gándaras de Budiño.

É imprescindible unha cámara de fotos e o necesario para pasar unha mañá de verán á beira do río Louro. A cámara pode ser compacta ou réflex, no posible con capacidade macro para sacar fauna e flora pequena de cerca.

Sairemos ás 9:30 h. do aparcadoiro dos observatorios das Gándaras de Budiño (O Porriño) (saída 21 “Gándaras Sur” da autovía A-55 de Porriño a Tui). É necesario levar roupa axeitada para pasar unha mañá de verano andando á beira do río Louro. Prazas limitadas. Inscrición gratuíta en: valoranatura@gmail.com

 

Día europeo da Rede Natura 2000
Día internacional da diversidade biolóxica

 

Porriño, 22-05-2015

Co gaio do Día Europeo da Rede Natura 2000 e o Día Internacional da Diversidade Biolóxica, a SGHN organizou o pasado 24 de marzo 2015 a Inspección do Río Louro, co obxetivo de contribuír ós obxectivos de conservación da biodiversidade na Rede Natura 2000.

Trátase da inspección de Primavera do PROXECTO RÍOS, organizada en colaboración con ADEGA (pdf). A actividade consistiu nunha saída para tomar datos sobre a calidade hidromorfolóxica, fisicoquímica e biolóxica do río nun tramo de 500 m. Participou un grupo de 14 persoas, que participaron na descrición do tramo de río, medición de variables de calidade fisicoquímica como pH, nitratos, temperatura, osíxeno disolto e turbidez, e identificaron a fauna acuática e a flora da canle.

 

Mostraxe de Myxomycetes nas Gándaras de Budiño

O Porriño, 16-05-2015

O domingo 10 de maio tivo lugar unha mostraxe de Myxomycetes na Zona de Especial Conservación (ZEC) As Gándaras de Budiño, organizada polo Grupo Micolóxico Galego e a Sociedade Galega de Historia Natural. Esta saída estaba programada para o pasado 26 de abril, pero foi necesario pospoñela debido o mal tempo e as choivas.

A actividade consistiu nunha saída de mostraxe de Myxomycetes na que se identificaron e fotografaron as especies atopadas para contribuír ó Catálogo de Biodiversidade do LIC Gándaras de Budiño.

Máis...

 

 

Fotografía: Cribraria cf vulgaria.

 

Recheo dunha antiga canteira con residuos tóxicos en Salceda de Caselas

Pontevedra, 23-03-2015

Conxuntamente entre Verdegaia e SGHN presentáronse catro escritos dirixidos á Consellería de Medio Ambiente, Territorio e Infraestruturas (PDF), Consellería de Economía e Industria (PDF), Consellería de Sanidade (PDF) e Confederación Hidrográfica do Miño-Sil (PDF) por dun recheo con vertidos tóxicos na canteira Pereiriñas, sita en Salceda de Caselas (Pontevedra).

Baseándonos no informe elaborado pola Facultade de Ciencias da Universidade de Vigo (PDF), solicitouse a investigación dos feitos, as afectacións das augas, en especial dos acuíferos dos que bebe a xente augas abaixo, a posible afectación ó LIC Baixo Miño e se tomen as medidas correctivas e sancionadoras necesarias para a reposición da legalidade.

 

 

I Concurso Escolar de Debuxo “Calendario da natureza”

Pontevedra, 24-09-2014

Co fin de promover o coñecemento da natureza galega entre os escolares, e baixo os principios fundadores da Sociedade Galega de Historia Natural: “Estudar, divulgar e defender o patrimonio natural galego” a delegación de Pontevedra da SGHN convoca o I Concurso Escolar de Debuxo “Calendario da natureza”.

Este concurso está destinado a todos os alumnos que cursen 5º ou 6º de Ensino Primario durante o curso 2014-2015 na provincia de Pontevedra e establécense catro primeiros premios correspondentes ás catro categorías de participación: Categoría “Primavera”, “Verán”, “Outono” e “Inverno”. As bases completas están dispoñibles no seguinte documento (PDF).

O alumnado gañador de cada categoría recibirá un diploma acreditativo e un lote de iniciación á observación de campo: mochila, gorra, caderno de campo, lupa e pin SGHN de solapa. A mestra ou mestre coordinador da actividade do alumnado premiado recibirá un pin de solapa da SGHN. Os centros escolares do alumnado premiado recibirán un lote de publicacións da SGHN para a biblioteca escolar e un diploma acreditativo.

Os traballos premiados pasarán a formar parte dun calendario dixital que será posto á libre disposición do público na páxina web da SGHN e na páxina de facebook de SGHN Pontevedra.

Gañadores do I Concurso Escolar de Debuxo

  • Categoría Inverno: Brais Pereira Álvarez, 6º de primaria do CEIP Rebordáns-Tui.
  • Categoría primavera: Pablo Baz Martínez, 5º de primaria CPR PP. Somascos (A Guarda).
  • Categoría verán: Diana Barbosa Rodríguez, 6º de primaria do CEIP Rebordáns-Tui.
  • Categoría Outono: Manuel Portela, 6º de primaria do CEIP Vilaverde-Mourente.

A nosa felicitación ós premiados e o noso agradecemento ós alumnos participantes, así como ós profesores coordinadores e a tódolos Centros Escolares da provincia de Pontevedra que con esforzo e ilusión formaron parte deste proxecto.

En breve estará disponible nesta web o calendario para libre descarga e farase entrega dos premios ós gañadores.

Autovía A-57
qué pensan os partidos deste despropósito?

 

Pontevedra, 27-08-2014

A SGHN ven de enviar ós cinco partidos/coalicións con representación no Parlamento galego cadansúa carta (PDF) solicitando o seu posiciomento sobre a nova autovía A-57 que se quere construír na provincia de Pontevedra. A día de hoxe SGHN só recibiu contestación dun deles e en breve penduraremos desta web os PDF das respostas que recibamos.

SGHN considera que un gasto de partida de 430 millóns de euros carece de senso cando se está a deixar de investir en investigación, sanidade e educación. Un proxecto irreflexivo cando existen servizos de comunicación alternativos en funcionamento e mellorables.

¿Cal é a alternativa da SGHN?

Investir este importe económico na mellora do trazado (seguridade) da actual N-550 e xunto cos cartos da ampliación da AP-9 e subvencións de tramos da AP-9 (p. ex. do Morrazo a Vigo), revertir completamente a AP-9 á rede de estradas do estado, liberadas de peaxes e sen financións a empresas privadas. Na imaxe en raiado verde a alternativa proposta e en azul algúns dos proxectos de novas autovías.

"Senda fluvial" en Ribadumia (Pontevedra)

Pontevedra, 18-10-2012

A SGHN presentou un escrito (PDF) diante do Ministerio de Agricultura, Alimentación y Medio Ambiente un escrito sobre o proxecto de “Estudio de Impacto Ambiental del Proyecto de Acondicionamiento de las márgenes del río Umia y senda fluvial en Ribadumia. Pontevedra”, que pretende executar varias actuacións, algunhas das cales son positivas e outras negativas para a zona:

  • O Estudo de Impacto Ambiental (EIA) do proxecto marca varios Obxectivos:
    • Unha rota de sendeirismo.
    • Contacto coa natureza.
    • Tirar máis aproveitamento ecolóxico-social do río.
    • Acondicionar áreas recreativas.
    • Creación de zonas de aparcamientos e miradores.
  • A situación económica actual da zona e de España é:
    • Crise económica sin precedentes na historia recente.
    • Recortes en educación, sanidade e estado do benestar.
    • Reducción de salario de funcionarios e en xeral de tódolos traballadores.
    • Aumento de IRPF, IBI e IVE.
    Con esta situación declaran un orzamento de 3.481.395,42 euros para as obras.
  • A situación ambiental actual da zona afectada polas obras é:
    • Degradación costeira e riparia. Só se contemplan retiradas parciais de entullo en zonas de acumulación, non a limpeza sistemática da zona.
    • Invasión de terreos de Dominio Público Marítimo Terrestre. Non se vai actuar neste senso.
    • Alta presencia de especies vexetales invasoras en ambas beiras do río e fincas. Só se actuará nunha das beiras do río, sen actuar enfrente e nas fincas, polo que a recolonización será rápida.
  • Non aporta nada a medio ou longo prazo á conservación do espazo e área de actuación (p. ex. recuperar terreos públicos).

Diante desta situación, e cos argumentos que se poden ver no PDF do escrito, solicitouse o rexeitamento total do proxecto ou como segunda opción, refacer o mesmo tendo en conta:

  • No construir ningunha pasarela sobre a marisma.
  • Recuperación do paso sobre o Dominio Público Marítimo Terrestre donde éste non sexa efectivo.
  • Retirada de entullo e lixo nas marxes costeiras.
  • Eliminación das especies invasoras en AMBALAS DÚAS beiras do río e manter un plan de contención para as reintroduccións que se puideran producir.

Por outra banda, detectáronse erros importantes (por falta de coñecemento da zona) na redacción do EIA, polo que o redactor do mesmo non cumpriu a obriga de facer un estudo localizado (é decir, non fixo o seu traballo). Á vista desta situación tamén se solicitou que o pagador (o Ministerio) faga as xestións necesarias para que o redactor devolva a parte proporcional económica que corresponda polo traballo non feito.

 
.