PROXECTO DE CAMPO DE GOLF NO MONTE SIRADELLA (O GROVE)

A Sociedade Galega de Historia Natural presentou os pasados 28 e 29 de abril de 2011 tres escritos diante do Concello do Grove (PDF), Consellería de Medio Rural (PDF) e Deputación de Pontevedra (PDF sobor do proxecto de construcción dun campo de golf no Monte Siradella (O Grove). A SGHN solicita que nin se apoie nen se promova tal proxecto por parte da administración, xa que a zona é un espacio LIC (Lugar de Importancia Comunitaria) integrado na Rede 2000 da Unión Europea con varias especies animais e vexetais de interese. A SGHN considera que os argumentos de convivencia do campo de golf e o espacio natural non son correctos, pois a creación do campo implica a destrucción irreversible da delicada e especializada flora dunar e alterar a zona de reprodución e campeo de varios anfibios e invertebrados. Por outro lado, o manter un campo de herba nunha zona dunar implica un consumo de auga enorme, especialmente no vrao, aparte da potencial contaminación das augas por uso de herbicidas e outros pesticidas.

Noutro senso, plantexouse á Deputación de Pontevedra que é eticamente rexeitable ser a mesma entidade que promove as Pousadas do Salnés, con unha xusto compartindo terreos co campo de golf que tamén é apoiado por esta mesma Deputación, empregando en ámbolosdous casos cartos públicos para proxectos privados que restan o usofructo público actual.

A SGHN igualmente manifesta o seu apoio ó Colectivo Ecoloxista do Salnés e á Plataforma contra o Campo de Golf a favor da conservación pública e ambiental desta zona.